Македонската женска сениорска репрезентација денеска, како што и беше најавено, означи старт на подготовките за квалификациските натпревари против Шпанија за пласман на EHF EURO 2024 година. Селекторот Кристијан Грчевски изврши прозивка во хотелот „Александар Палас“ во Скопје.
Првиот натпревар се игра во СЦ „Борис Трајковски“ во Скопје (29.02.2024/18 часот), влезот е слободен. Вториот натпревар се игра во Ланзароте на 03.03. во 17 часот.
Нашите ракометарки на првите два квалификациски натпревари запишаа две победи, против Азербејџан на домашен терен и против Литванија на гости. Заедно со Шпанија го делат првото место во групата.
Инаку во текот на утрешниот ден се очекува репрезентацијата да биде комплетирана со доаѓањето на Сара Ристовска и Ива Младеновска.
