Шефот на организацискиот комитет на ЕП во Германија, Филип Лам изјави дека француската репрезентација е најголемиот фаворит за титулата европски фудбалски шампион. Во интервју за „Франс прес“, Лам на прашањето кого гледа како освојувач на ЕП, одговори: „Франција, едноставно, затоа што има 40 играчи, од кои многу од нив големи таленти. Има балансиран тим и лесно можат да направат промена, да стават играчи од клупата кои би направиле разлика. Она што е одлучувачко е да се претстават како екипа на теренот“, изјави Лам.
Германскиот репрезентативец ја пофали победата на Германија над Франција во Лион со 2:0 пред неколку денови.
„Јулијан Нагелсман пронајде јасна формација, има централни дефанзивци, неговите бекови се динамични и плус неколку млади играчи. Тоа ни дава самодоверба.Исто така е важно националниот тим да игра добро и стаствено. Исто така е важно се да се поклопи во исто време, сите делчиња да се наместат. Тоа ни се случи во 2014 година, сите ги знаеја своите улоги и својот квалитет го подредија на тимската игра“, рече Лам мислејќи на трофејот од СП 2014.