Се повеќе медиуми блиски до Барселона гласно зборуваат за тоа кој ќе биде наследникот на Чави следната сезона на клупата на Барса. Во оптек е името на поранешниот играч на Барселона и актуелен тренер на Б тимот, Рафа Маркез, кој со голема веројатност следната сезона би требало да ја преземе функцијата главен тренер.
Со испаѓањето од Лигата на шампионите згаснаа и последните шанси Чави Ернандез да остане тренер на Барселона и следната сезона. Одлуката за негово заминување всушност е стара неколку месеци, но имаше неколку опции во кои страните би се предомислиле.
