Тренерот на Рома, Даниеле Де Роси, ја коментираше елиминацијата на неговиот тим од полуфиналето на Лига Европа. Италијанците во реваншот забележаа нерешено 2:2 против Баер (Леверкузен), но по поразот со 0:2 во првиот натпревар, турнирот го напуштија со вкупен резултат 2:4.
„Тоа беше херојски настап, но Леверкузен е навистина силен тим. Мислам дека нашите настапи на двата натпревари беа добри, немавме доволно удари кон голот и понекогаш тоа може да ја направи разликата, но момците беа неверојатни. Пред само два дена дадовме се до последната секунда против Јувентус, повторно моравме да притискаме со неверојатен физички и психички напор. Кога ќе успееш да се вратиш од 0-2 и да се приближиш до чудо, болката е голема кога ќе примиш таков гол. На секој натпревар учам нешто, тоа е ново искуство за мене, само што почнав во Серија Б пред една година. Мислам дека само четири или пет тренери на Рома играле во едно европско полуфинале, па затоа сум горд на тоа. Мојата работа не е ограничена на 90 минути, тоа е да анализирам зошто не стигнавме до финалето и според мене тоа е затоа што се сретнавме со тим кој беше посилен“, изјави Де Роси.
🟡🔴 Daniele De Rossi: “Just one year ago, I got sacked by an Italian club in second division. Now I can be proud of my team”.
“We did great, we left our life on the pitch, it really hurts… but I’m learning every day here. Just congrats to Bayer Leverkusen”. pic.twitter.com/CczeyTdpS8
— Fabrizio Romano (@FabrizioRomano) May 9, 2024
