Рома во наредните денови веројатно ќе добие уште едно засилување. „Римјаните“ се во напредна фаза во преговорите со Џенова за трансфер на напаѓачот Елдор Шомуродов. Низ италијанските медиуми веќе кружи и сумата и условите за трансфер, Рома ќе го добие узбекиснанскиот репрезентативец на позајмица за 2,5 милиони евра, а да плати 16 милиони евра за да го откупи договорот во целост.
Тоа е приближно до 20-те милиони евра што Џенова ги бара за поранешниот играч на Ростов за трансфер.
Да кажеме дека Шомуродов пристигна минатото лето во Џенова од рускиот Ростов за 7,5 милиони евра. 26-годишниот напаѓач постигна 8 голови и една асистенција во 31 меча во Серија А. Тој може да игра и како централен напаѓач, но и како крилен напаѓач (лево и десно).
Рома во досегашниот трансферен период договори тројца играчи. Десниот бек Брајан Рејнолдс пристигна од Далас, потоа централниот бек Роџер Ибањез од Аталанта и голманот Руи Патрисио од Вулверхемптон.
