Ф1 тимот на Ред Бул го продолжи договорот со Серхио Перез на уште две години. Мексиканецот вози за Ред Бул од 2021 година. За тоа време, тој освои пет победи, а покрај тоа, застана на подиумот уште 24 пати.
Минатата сезона, тој заврши како вице шампион, а во моментов се наоѓа на петтото место во генералниот пласман, зад Макс Верстапен, Шарл Леклер, Ландо Норис и Карлос Саинц.
Претходно беше објавено дека Ред Бул сака да го ангажира Серхио Перез на 1+1 година, а самиот Мексиканец инсистираше на двегодишен договор. На крајот двете страни најдоа заеднички јазик. Ред Бул официјално објави дека Перез ќе вози за тимот до 2026 година.