Струга Трим Лум и натаму се засилува. Најново име во таборот на нашиот шампион е дефанзивецот Бојан Илиевски (24) кој досега го носеше дресот на Македонија ЃП. Одличниот дефанзивец може да игра и како бек, но и како стопер. Илиевски е “дете“ на Пелистер, за да во 2021 направи трансфер во Работнички од каде по само една сезона се пресели во Ѓорче.
Илиевски во изминатата сезона настапи на 31 натпревар за “лавовите“, постигна два гола а имаше и две асистенции.
Секако дека ова е големо засилување за шампионот на кој му недостасуваше ваков профил на играч по заминувањето на Меџит Незири.
