Ди Марија зборуваше за смртните закани кои го спречија да се врати во Аргентина
Тој сакаше ова лето да се врати во неговиот роден клуб Росарио Сентал и таму да го помине последниот дел од својата натпреварувачка кариера. Еден од хероите на Аргентина, кој беше клучен придонес за светската титула и двапати ја освои Копа Америка, сепак се откажа од таа намера по смртните закани кон него и неговото семејство.
Според ESPN, заканите вклучувале испраќање свинска глава со куршум, како и пакет со смртна закана за една од неговите ќерки. Тамошните медиуми зборуваат за автомобил кој оставил порака пред приватна населба во која Ди Марија обично престојува кога е во својата татковина.
„Имаше закана во соседството на моите родители која стана јавна. Имаше уште една во куќата на сестра ми која не е позната бидејќи таа и нејзиниот сопруг беа исплашени и не пријавија. Тие месеци беа страшни. Можевме само да стоиме и да плачеме секоја вечер бидејќи не можев да го остварам мојот сон“, изјави Ди Марија.
И покрај овие инциденти, 36-годишниот фудбалер беше критикуван од навивачите на Росарио по неговата одлука да не се врати во клубот. Тој им одговори на тие фанови: „Оние кои не разбираат, не ме ставаат во моја кожа бидејќи е лесно да се зборува против другите на социјалните мрежи без да се ставиш во нивна кожа“.
👎🇦🇷Triste realidad que vive nuestro país, que un ídolo nacional como Ángel Di Maria no puede cumplir el sueño de volver al club que lo vio nacer.
Una de las amenazas fue una caja con una cabeza de chancho y una bala en la frente, con una nota que decia que, si volvía, la… pic.twitter.com/3glLgn7zZW
— M.L.C DEPORTES (@MLCDEPORTES) July 30, 2024
