Одбојкарската репрезентација на Франција го совлада актуелниот светски првак Италија со максимални 3-0 (25-20, 25-21 и 25-21) и се пласира во финалето на Олимписките игри каде што противник ќе ја има Полска.
„Аѕурите“ кои беа мали фаворити на овој меч беа изненадени од мотивираниот домаќин, посебно во нападот. Французите максимално ги користеа сите грешки на Италијанците и така стигнаа до финалето каде што ќе го бранат олимпиското злато од Токио.
