Полека, но сигурно се загрева атмосферата во пресрет на неделното големо дерби, на „Дербито на Македонија“ меѓу Вардар и Пелистер во рамките на 2.коло на новата сезона во ПМФЛ. Дерби кое се игра во недела од 20 часот на Арената “Тодор Проески“ во Скопје.
Вчера “Чкембару“ испратија провокација до “Комити“ со едно специјално видео, со најава за “Инвазија на Скопје“ во кое во главна улога беа коњите.
“Комити“ денеска вратија со исто така специјално видео со песната “Коњи брзајте“, се разбира мислејќи на коњите на битолските фанови, но и со најава дека следува пеколно издание.
