Италијанскиот селектор Лучано Спалети изјави дека ќе креира „нов тим“ по разочарувачкиот настап на репрезентацијата на ЕП 2024 година, а објасни и зошто ќе го направи тоа. Тој го зборуваше ова на прес-конференцијата во пресрет на натпреварите со Франција и Израел во Лигата на нациите (во петок и во понеделник).
„Кога зборуваме за неуспех на ЕВРО, треба да бидеме попрецизни во анализата, бидејќи според мене тоа се однесува само на натпреварот против Швајцарија, (кој беше) многу лош.
Игравме лошо и против Шпанија, бевме под притисок, но победата на Шпанија малку го става во перспектива нашиот лош натпревар против нив. Натпреварот против Швајцарија (пораз од 2:0), сепак, беше многу лош во однос на ставот, едноставно се предадовме. Ние не ја почитувавме нашата сила или историја, чувствувам одговорност за она што се случи“.
Иако смета дека Италија имаше само еден или два особено лоши натпревари, тој не мисли дека тоа е поради играчите.
„Сè што се случи е моја одговорност, можеби ќе префрлам 1% од вината на мојот персонал, но играчите се ослободени од таа одговорност.
Веројатно им вршев премногу притисок и не им дадов можност да уживаат во искуството во дресот на Италија. Морам да бидам внимателен со обидот за нови работи или обидот да пренесам нова порака. Јас сум првиот кој не сака да се откаже пред тешкотиите и треба да имаме верба во работата што се извршува напредувајќи напред. Играчите кои беа со мене во Германија не се одговорни, ниту пак оние кои останаа дома“.
Спалети вети дека ова може да биде пресвртница за репрезентацијата на Италија.
„Сега, вртиме нова страница и отсега натаму, треба повеќе да размислуваме за нашиот идентитет. Мислам дека ова е време да пробам нешто поинакво. Ова, неминовно, значи исклучување на некои играчи. Ќе создадам нова група, нов тим, ставајќи помал притисок врз нив и се надевам дека уште повеќе ќе ја почувствуваат убавината на дресот на „аѕурите“.
Спалети го изостави Федерико Киеза, а го врати Сандро Тонали кој долго време беше отсутен поради суспензијата по обложувачкиот скандал. За Киеза кажа дека Киеза не тренирал соодветно поради проблемите со Јувентус, па сега по трансферот во Ливерпул ќе може да смета на него на идните натпревари. За разлика од Киеза, Тонали и покрај суспензијата тренирал нормално, а сега почна да игра и тоа во одличен ритам.
Дебитанти во националниот тим се дефанзивецот на Лестер, Калеб Околи, потоа играчот од средниот ред на Аталанта, Марко Брешанини, повик добија и младите Дестини Удоги од Тотенхем, Раул Беланова од Аталанта, Самуел Ричи од Торино, Матија Закањи од Лацио.
Од оние кои играа на ЕП сега, освен Киеза ги нема ни Кристанте, Фолоруншо, Жоржињо, Ел Шарави, Орсолини, Дармијан, Мансини, како и Бареља и Скамака поради повреди.
