Ханзел Парчмент од Јамајка ја изненади конкуренцијата и ја освои олимписката титула во трката на 110 метри со препреки на ЛОИ во Токио. 31-годишниот Парчмент триумфираше во финалето со личен рекорд од 13,04 секунди и со тоа го освои второто олимписко одличје по бронзата во истата дисциплина во Лондон 2012.
Фаворитот Грант Холовеј од САД мораше да се задоволи со сребрениот медал. Светскиот шампион и број 2 на вечната ранглиста на 110 метри со препреки заврши со време од 13,09 секунди.
Другиот натпреварувач од Јамајка, Роналд Леви со време од 13,10 секунди го освои бронзениот медал што е негов најдобар резултат во кариерата.
HANSLE PARCHMENT does it for Team #JAM 13.04 for the #Gold with RONALD LEVY getting the #Bronze in 13.10 for the Men’s 110M Hurdles #Olympics pic.twitter.com/M9VFGa4kma
— Sanade 🇯🇲🇺🇸 (@sweetsanade) August 5, 2021
