Селекцијата на Ерменија, со која играме утревечер во рамките на 2.коло во Лигата на Нации, за разлика од нас, стартуваше одлично. На свој терен Ерменците со фуриозни 4:1 славеа над Летонија. Сепак од таборот на гостите не се осмелуваат да кажат дека се фаворити или дека ќе ги освојат трите бода.
Сите говорат во суперлативи за Македонија, а посебно селекторот Олександер Петраков, кој инаку е Украинец, кој попладнево на пресот истакна:
“Ја анализиравме Македонија на мечот со Ф. Острови, и искрено не беше лоша играта. Не очекувам лесна победа, дојдовме тука да играме фудбал. Македонија е врвна репрезентација со одлични фудбалери и тренер. Го знаеме добро противникот, останува да одиграме најдобро што можеме“ истакна покрај другото селекторот на Ерменија.
