Албанскиот фудбалер Кристијан Аслани го продолжи договорот со Интер, соопшти денеска италијанскиот клуб. Новата соработа е потпишана за уште една година поточно до 2028 година.
Аслани во Интер пристигна од Емполи, а за миланскиот тим одигра 64 натпревари во сите натпреварувања и постигна еден гол.
„За мене отсекогаш беше сон да играм за овој тим и чест ми е да го носам овој дрес. Овој договор е причина да се биде горд, но јас го земам како точка од која можам да продолжам – има некои работи на кои дефинитивно можам да работам и да ги развивам.
Тренирам секој ден со шампиони и имам среќа што ги имам за соиграчи. Ова обновување на договорот беше резултат на нивната помош“, изјави Аслани по потпишувањето на договорот.
One day or day one… 🥹#ForzaInter pic.twitter.com/9r3nrkaJg4
— Inter ⭐⭐ (@Inter) September 16, 2024
