Оваа сезона сите погледи се вперени во дуелот помеѓу Манчестер Сити и Арсенал во битката за титулата во Премиер-лигата.
Артета надгради тим кој до самиот крај беше конкурентен на „граѓаните“, а се создава атмосфера дека годинава конечно е вистинската. Првата средба помеѓу Сити и Арсенал оваа година ќе биде на 22 септември.
Пеп Гвардиола во интервју за „Скај спорт“ изјави дека не сака средби со менаџери кои добро ги познава, меѓу кои е и Артета.
„Да, затоа што се чувствувам послаб“, изјави Гвардиола и појасни:
„Понекогаш се среќавам со менаџерите по натпреварот, моите пријатели, како Микел и Лопетеги, на пример. Мои пријатели се и Енцо Мареска, Роберто де Зерби, менаџерите со кои сум поврзан, работиме заедно, бидејќи животот ни дава врска што ја сакам и сакам да го правам тоа без разлика на победа или пораз“, вели Шпанецот и додава какво е чувството да се изгуби.
„Не сакам да разговарам со никого. Сакам да го обработам мојот пораз и да се вратам следниот ден“, изјави Гвардиола.
