Македонската репрезентативка, Сара Ристовска и Рапид Букурешт го запишаа третиот пораз во Лигата на шампиони, откако на гостувањето кај Оденсе беа совладани со 31-24 во меч од петтото коло. По овој дуел тимот од Букурешт останува на седмото место во групата Б каде има една победа, реми и три порази.
Романскиот тим водеше кратко само на стартот, по што домаќинот одржуваше позитива од два до три гола. По 14-12 на одморот, Оденсе со серија од 4-0 поведе со 18-14 и ја започна својата доминација, поведе со 20-15 и до крајот само ја зголемуваше предноста.
Македонската репрезентативка, Ристовска беше стрелец на три гола од четири обиди.
