Фран Пилепиќ не можеше сам да го носи Кожув во дуелот на гости кај ТФТ Скопје. Гевгелиската екипа загуби со 77:79, а Пилепиќ постигна дури 35 поени имаше и две асистенции и четири скокови. Сепак, неговиот одличен ефект не го следеа другите кошаркари, а ТФТ успеа на крајот да слави.
Кожув беше подобар во второто полувреме кога имаше реални шанси за пресврт и победа но не успеа.
Кај ТФТ најефикасен беше Говенс со 21 поен и дури седум асистенции, Мекиќ постигна 14 поени, а Николов 11. Кај Кожуф по Пилепиќ, двоцифрени беа уште Стевановиќ со 16 поени и Вилсон со 10 поени.
Денска играат уште Тиквеш – Гостивар, Вардар – Феникс, Работнички-МЗТ, Чаир – Шкупи, а утре Пелистер – МКК Куманово.
