Фудбалерите на Тотенхем ја елиминираа екипата на Манчестер Сити со 2:1 и се пласираа во четвртфиналето на Карабао Купот. Се очекуваше ова да биде најинтересен натпревар во осминафиналната рудна и двете екипи се потрудија тоа и да го остварат.
Тотенхем подобро го започна натпреварот и по само 5 минути игра Тимо Вернер ја затресе мрежата на „граѓаните“. Во 25-тата минута Маланг Сар ја зголеми предноста на домаќините на 2:0, а до крајот на полувремето Матеус Нунес погоди за 2:1.
До крајот на натпреварот гостите притискаа и редеа шанси но не успеаја по вторпат да ја затресат мрежата на Викарио.
Ждрепката за четвртфиналето на Карабао купот ќе се одржи уште вечерва и со тоа ќе бидат познати дуелите кои ќе ги гледаме во следната рунда.
