Шампионот во Формула 1 од 1992 година, Најџел Менсел зборуваше за претстојниот трансфер на возачот на Мерцедес, Луис Хамилтон во Ферари. Британецот ќе му се приклучи на италијанскиот тим следната сезона во Формула 1.
„Кога Луис реши да се приклучи на Ферари, тој го направи најмагичното нешто што можеше. Тимот е многу конкурентен и може да конкурира за шампионската титула следната година. Не ми е гајле што некој ќе каже за Луис. Тој е одличен. Отсекогаш сум бил негов обожавател. Нема да биде лесно да се бориш со Шарл Леклер, но мислам дека ќе биде одлично. Некои можеби го гледаат Луис како аутсајдер, но мислам дека тие луѓе прават огромна грешка. Тој ќе ги изненади сите. Можеби ќе му требаат неколку тестови за да го постигне тоа, но јас предвидувам целосна ренесанса за Ферари. Ова не значи дека Шарл нема да се бори. Многу луѓе победуваат на трки, но освојувањето титули е друга приказна“, изјави Менсел.
