Откако на Манчестер Сити и тоа како не му оди, раководството на клубот и тренерот Пеп Гвардиоала бараат по секоја цена начин како да излезат од кризата. Па така се појавија шпекулации дека го посакуваат Лео Меси, кој сега е на одмор со Интер Мајами, дека би можел да дојде во Сити како позајмен играч и тоа од јануари па во наредните 2-3 месеци се до моментот кога ќе започне новата сезона во МЛС.
Се разбира дека Пеп Гвардиола многу добро знае што може Лео, па заедно беа во Барселона од 2008 до 2012 и се разбира дека Меси би можел да му помогне.
Но, секако, прашање е дали ќе сака Лео да го прекине одморот.
Вакво нешто не е ново. Да се потсетиме дека Дејвид Бекам во време на паузата во МЛС како позајмен играч настапуваше во ПСЖ и Милан и играше добро.
