Ако зборуваме за иднината на македонската женска ракометна репрезентација по завршувањето на ова Европско првенство, тогаш во преден план е 19-годишната Марија Јанкуловска.
Левиот бек покажа дека има потенцијал да прерасне во лидер на нашиот најдобар национален тим, во неа ја има потребната дрскост и талент, кој треба да се негува во иднина. Јанкуловска се најде на радарот на ЕХФ, беше забележа поради потенцијалот со кој располага.
Таа евро-шампионатот го заврши со девет гола, а еден од нив се најде во Топ листата на најбрзи шутеви. Јанкуловска е на второто место, брзината која е измерена е 107.7 км на час.
Првото место и припаѓа на репрезентативката на Португалија, Гомеш, ЕХФ измери дека шутирала со 109 км на час.
Во оваа листа се најде и Ива Младеновска, таа е 16-та со 102.7 км на час.
