НБА Ол-Стар турнирот ќе се одржи во Сан Франциско на 16 февруари следната година како дел од Ол-стар викендот кој ќе започне два дена порано, во петок. Со одлука на раководството на лигата за прв пат ќе се игра новиот формат на натпреварувањето. Тоа ќе биде мини-турнир на кој ќе учествуваат четири екипи и ќе се одиграат вкупно три натпревари – две полуфиналиња и финале.
Натпреварите ќе бидат скратени, а победува екипата која прва ќе достигне 40 бода. Секој тим ќе има по осум играчи. Легендите на НБА и стручните ко-коментатори на телевизијата ТНТ Чарлс Баркли, Шекил О’Нил и Кени Смит ќе ги одберат играчите за трите тима. Четвртиот тим ќе биде победник од натпреварот „Ѕвездите во подем“, во кој учествуваат играчи кои се во лигата прва и втора година. Овој тим ќе го предводи Кендис Паркер, една од најдобрите кошаркари на сите времиња во ВНБА лигата.
Гласањето за кошаркарите на Ол-стар останува исто како и досега. Навивачите, актуелните НБА играчи и новинарите избираат по пет играчи од секоја конференција за првиот состав. Останатите 14, или седум од секоја конференција, ги избираат главните тренери на НБА. Гласањето започнува во четврток.
НБА лигата се соочува со пад на гледаноста, објавија американските медиуми, па не е чудно што новиот формат на Ол-стар натпреварот, за кој интересот исто така опаѓа низ годините. Во последните години љубителите на кошарката ги критикуваа играчите кои воопшто не се потрудиле да играат одбрана. Ол-стар натпреварот ќе се сведе на безброј тројки и забивања.
Лидерите на лигата бараа концепт кој ќе привлече повеќе гледачи. Така, веќе немаше Исток и Запад, туку двајца капетани, како на училишното игралиште, ги избираа своите играчи. Покрај Ол-стар натпреварот, падна интересот и за натпреварите во забивање, во кои веќе не учествуваат познати НБА играчи.
