Столе Димитриевски вечерва беше резерва во победата на неговиот тим Валенсија на домашен терен против тимот на Реал Сосиедад. Мамардашвили беше на голот на домаќините кои обезбедија злато вредни три бода со голот на Дуро во 26. минута.
Иако Сосиедад е седми на табелата и е во дијаметрално спротивна ситуација од Валенсија во моментов, сепак, на овој меч го положи оружјето.
Од друга страна пак, Валенсија конечно веќе не е последна туку го прескокна Ваљадолид и сега има цели 16 бодови, четири помалку од местото кое е вон зоната за испаѓање.
