Барем такви се денешните информации кои велат дека еден од најуспешните тренери во историјата на фудбалот, а секако и на Реал Мадрид на крајот од сезоната ќе ја напушти клупата и ќе го препушти местото тренер на „Кралевите“ на некој друг.
Карло Анчелоти освои се што можеше да се освои со Реал, но годините си го прават своето, а и сезонава тимот се мачи на резултатски план што се вели. Токму затоа очигледно дека во таборот на „Кралевите“ доаѓа до заситување, односно до потреба од нова тренерска филозифија.
Секако, во прв план, според поголемиот број на светски медиуми, како негова замена се пикира Чаби Алонсо, некогашниот првотимец на Реал, а сега тренерот кој што прави чуда со тимот на Баер Леверкузен.
