Македонскиот репрезентативец Милан Ристовски трето коло по ред се запишува во листата на стрелци во словачкиот шампионат. Офанзивецот кој игра за Спартак Трнава влезе на теренот во второто полувреме и неколку минути подоцна постигна гол за победа над Злате Моравце со 2:0. Тоа е негов трет гол оваа сезона во словачкото првенство. Минатото коло даде еден гол во триумфот над Микулас со 4:0, а пред тоа еден гол во поразот од Сеница со 2:1.
Трнава е на третото место на табелата со три победи и еден пораз.
