Финалето на Светското првенство мина во знакот на Данска, која ја совлада Хрватска со 26-32. На овој начин старо-новиот првак дојде до четвртата титула по ред на Мундијалите, што е апсолутен рекорд.
Хрватска со самиот пласман во финалето оствари голем резултат. Овој шампионат беше последен за дел од ракометарите на „коцкестите“. На прво место е капитенот, Домагој Дувњак, кој го одигра послендиот танц во националниот дрес.
Во последните секунди од мечот, данските ракометари му дозволија на Дувњак да се постигне гол и на овој начин да ја заврши својата богата репрезентативна кариера. Дувњак пред дуелот беше емотивен при интонирање на химната не можеше да ги задржи солзите.
