Италијанскиот тенисер Јаник Синер официјално повеќе не е суспендиран. Ова значи дека тримесечната суспензија на Синер, претходно изречена поради кршење на антидопинг правилата, истече денеска.
Иако беше суспендиран, Италијанецот се чинеше дека ништо не пропуштил – освен, се разбира, можноста да освои четири Мастерс турнири – и сè уште е број еден во светот, речиси 2.000 поени пред второпласираниот Зверев.
Првиот турнир на Синер по неговото враќање ќе биде Мастерсот во Рим, кој започнува оваа среда, а потоа ќе игра и во Хамбург, со цел да собере што е можно повеќе натпревари пред Ролан Гарос.
Tој ќе тренира на еден од терените на комплексот во Рим, а спарингот ќе биде отворен за јавноста, додека првиот натпревар по суспензијата ќе се игра во втората рунда, бидејќи е слободен во првата, во петок или сабота.
Синер може дополнително да ја зголеми својата предност на врвот на АТП ранг-листата во Рим – и тоа не занемарливо – со оглед на тоа што не играше минатата година и не брани ниту еден од потенцијалните 1.000 поени.
