Во очекување на утрешниот дуел со Барселона, тренерот на Интер, Симоне Инзаги го пофали настапот на Роберт Левандовски, а не штедеше комплименти и за неверојатниот Ламин Јамал.
„Речиси е невозможно да го запреме. Мора да се обидеме да се осигураме дека топката воопшто нема да стигне до него, но во модерниот фудбал тоа е исклучително тешко. Ќе примениме двојно затворање и ќе го фокусираме максималното внимание на него. Тој е огромен талент. Тимот му верува во најтешките моменти. Она што е навистина импресивно е брзината на неговото размислување: штом ја добие топката, тој веќе знае што ќе прави“, вели Инзаги.
За враќањето на Левандовски во составот на Барселона, Инзаги дополни:
„Добро го познаваме. Тој е еден од трите или четирите најдобри напаѓачи во светот. Феран Торес играше во првиот натпревар и одигра одличен натпревар. Генерално, кога тимот излегуваше без него, тие сепак ги уништуваа противниците. Да, тој е врвен напаѓач, но генерално зборуваме за врвен тим“, вели тренерот на „миланезите“.
