Македонскиот тенисер Обрад Марковски по трите победи во квалификациите на ИТФ турнирот во Куршумлијска Бања доживеа пораз во првото коло од главниот турнир. Поуспешен од него беше Георги Георгиев од Бугарија кој со 2-1 во сетови (63 36 63) по три часа игра го совлада Марковски.
Во првиот сет единствениот брејк Георгиев го направи во шестиот гем за водство од 4:2 во гемови. Во вториот сет Марковски имаше предност од 3:0 откако направи брејк во вториот гем, а потоа по загубениот гем на сервис веднаш направи ри-брејк и успеа да изедначи на 1-1 во сетови. Решавачкиот сет почна со два брејка по еден за секој тенисер, а клучниот за освојување на сетот го направи Георгиев во осмиот гем за водство од 5:3 во гемови.
Марковски денеска го очекува уште еден меч на турнирот во конкуренција на двојки заедно со Никола Јовиќ од Србија ќе играат против четвртите носители Алехандро Банкалари и Николас Виљалон Валдес од Чиле.
