Можеби потешко од очекувањата, но тимот на Вардар попладнево на неутрален терен во Струмица, во рамките од новото четврто коло од ПМФЛ шампионатот. го совлада тимот на Шкупи со конечни 4:2.
Интересно е да се напомене дека поголемиот дел од погодоците на овој меч беа постигнати во првиот дел, кој беше еден од најинтересните во последно време во домашниот шампионат.
Мечот стартуваше, ама буквално во деветтата секунда со гол откако Мухарем успеа да ја изненади одбраната на Вардар која што како да не беше сеуште влезена во мечот и реализираше за водство со помош на Матиќ кој во обид да расчисти го потврди погодокот во мрежата.
Вардар од шокот се поврати со целосна иницијатива и погодокот на Димитар Данев со глава на асистенција на Михаил Маневски во 16. минута.
Целосен пресврт пристигна по голот на Азер Омерагиќ во 36. минута, но Шкупи не се даде лесно. Уште една лоша интервенција на одбраната на Вардар, Дестани успеа меѓу Јанкулов, Матиќ и Сенхор да упати удар и да реализира за 2:2.
Сепак, Вардар замина на полувреме со водство, затоа што акцијата на Кастањеда и МАневски ја одведе топката на вториот дирек, а Закариќ со глава погоди за ново водство на Вардар.
Во вториот дел, Вардар комплетно доминираше, создаде неколку ситуации, а во последните моменти од мечот, Едис Спахиу одработи една молњевита контра, и „од втора“ реализираше за конечни 4:2.
