Вардар 1961 ја доби првата пресметка со Пелистер во новата сезона. Најтрофејниот ракометен колектив на домашен терен славеше со 31-28 во меч од петтото коло во Супер-лигата и остана перфектен на врвот со максимален скор.
„Црвено-црните“ го имаа водството речиси во текот на целиот меч, беа подобар тим на теренот, а во клучните моменти на Пелистер му се случи Валах, кој на три минути до крајот одбрани еден удар од седум метри, по што Талески на другата страна зголеми на 30-27. Валах имаше важна одбрана и пред овој момент, на крајот зад своето име запиша девет интервенции.
