Македонската репрезентација до 17. години го оствари планираниот успех и се пласираше на втората позиција на основниот квалификациски турнир на кој што бевме домаќини во Струмица. Со тоа стана дел од следната фаза која се нарекува елитни квалификации, нешто што во минатото неколку пати ни пошло од рака во различни конкуренции.
На денешниот дуел од третото коло го победивме Гибралтар со 9:0, а ни одговараше и триумфот на Чешка против Унгарија со 7:1.
По триумфот во Турново, македонската експедиција направи „фотка“ за историја што се вели, како спомен за добро одработениот турнир.
