Како гостин во Удине, Болоња го совлада Удинезе со 0:3 во еден од двата денешни дуели од новото коло во Серија А. Со овој триумф, Болоња ја продолжи серијата победи во Серија А до трета последователна со која им се придружи на Интер и Рома на врвот на табелата со по 24 бода.
Болоња во првиот дел промаши пенал преку Орсолини, но во второто полувреме успеа да дојде до триумфот со убедлив резултат. Орсолини со два гола во вториот дел се оддолжи за промашениот пепан, а конечните 0:3 ги постави Бернардески.
Во вториот меч кој се одигра на Сардинија, екипата на Каљари ја пречека Џенова во дуел кој заврши со фантастични 3:3. Џенова водеше двапати во текот на првото полувреме, а Каљари возврати двапати за 2:2. Во вториот дел домашните поведоа за 3:2, додека Мартин со гол во завршницата донесе бод за Џенова.
