АП Брера четири натпревари не знае за победа и сака таа лоша серија да ја прекине на денешниот натпревар против Тиквеш од 15.коло во ПМФЛ. Струмичани се мотивирани да освојат три бода со кои би се придвижиле кон средишниот дел на табелата.
„Секој натпревар има свое значење, а ние како и секогаш ќе излеземе да се надигруваме“, вели шефот на стручниот штаб, Мартин Алаѓозовски.
Последната победа на АП Брера датира од крајот на октомври, кога тимот ја изненади Струга Трим Лум на гости. Тиквеш доаѓа во Струмица по одличниот настап и триумф против Башкими. Во пресрет на овој дуел, Брера се наоѓа на седмата позиција со 16 бода, а Тиквеш е осмопласиран со еден бод помалку.
