Кристијан Хорнер во Астон Мартин? Тешко. Имено сопственикот на Астон Мартин, Лоренс Строл, им кажал на вработените дека поранешниот директор на Ред Бул, Кристијан Хорнер, нема да се приклучи на неговиот тим во Формула 1.
Извор од Би-Би-Си (BBC) објави дека Строл разговарал со вработените во фабриката на Астон Мартин во вторник и дека посочил дека доаѓањето на Хорнер „нема да се случи“.
Тој кажал дека новата структура на врвното раководство, која беше воспоставена оваа недела, ќе остане на сила. Новиот директор на тимот од почетокот на 2026 година ќе биде познатиот дизајнер на автомобили од Формула 1, Адријан Њуи, заедно со улогата на технички партнер.
Актуелниот шеф на тимот, Енди Кауел, ќе добие нова работа и ќе биде одговорен за градење односи со новиот партнер за мотори, Хонда, и добавувачите на гориво.
Хорнер беше отпуштен од Ред Бул во јули по 20 години на чело и се обидуваше да добие работа во Астон Мартин и да се врати во Формула 1.
Строл не негираше дека имало разговори со Хорнер, но постојат прашања дали тој би бил прифатлив за Њуи, кој го напушти Ред Бул минатиот април делумно поради нивните затегнати односи.
