Вечерва се одиграа последните три меча од 35.коло во Евролигата. Најинтересно беше на мечот Басконија – Реал Мадрид кој на крајот го добија домашните кошаркари со 98:96 и тоа во еден крајно драматичен меч. “Кралевите“ сами си се победија, од готово направија вересија па така на крајот Серџио Скариоло мораше да му честита на домашниот состав.
Кабаро кај победничкиот тим постигна 26 поени, а Симонс и Дијаките по 21. Кај гостите Факундо Кампацо заврши со 21 поени.
Валенсија славеше кај Виртус на гости со 81:94.
Со победата против Асвел на гости со 74:82, сега Олимпијакос е лидер на табелата на три кола до крајот. И на овој меч Везенков со 23 поени беше најдобар кај победничкиот состав.
