По Едуардо Гурбиндо потврда дека Шпанецот го напушта Вардар и се сели во Динамо Букурешт потврди и Веселин Вујовиќ на денешната прес-конференција.
Стратегот на македонскиот првак открива дека биле изненадени. Сигурно ќе недостасува во тимот, но ќе морат да продолжат и без него.
„Гурбиндо веќе има и романски број, можевте него да го прашате. За нас сето тоа беше изненадување. Ние уште од првиот ден го пречекавме до еуфорија, тој е еден класа играч и сигурно ќе недостасува, меѓутоа повеќе во одбрана отколку во нападот. Ги имаме тука Њокас и Моралес кои можат да дадат повеќе во напад. Сигурно ќе недостасува Гурбиндо, но кој го нема без него се мора. На крајот ќе видиме кој изгуби, а кој ќе добие“, вели Вујовиќ.
