27-годишниот играч за врска на екипата на ТСЦ Бачка Топола, Андреј Тодороски, кој наскоро би требало да го облече и дресот на македонската фудбалска репрезентација, вечерва имаше гол-шоу во српската Суперлига, откако на гостувањето во Крагуевац со два гола му обезбеди реми на својот тим.
Во натпревар во кој домашните водеа со 2:0, во вториот дел на сцена стапи Тодороски кој со головите во 52. и 64. минута (од пенал) им донесе реми на гостите. Тодороски веќе има 8 гола зад себе оваа сезона во српското првенство, каде Бачка Топола со овој бод останува надвор од зоната за испаѓање.
