Слободниот агент Ејвори Бредли е нов соиграч на Стеф Кари во Голден Стејт. 30-годишниот кошаркар кој минатата сезона одигра вкупно 27 натпревари за Мајами и Хјустон, со просек од 6,4 поени по натпревар ќе биде мало освежување во тимот на некогашниот НБА шампион.
Бредли веќе 11 сезони е дел од НБА лигата и зад себе има 598 натпревари со просек од 11,5 поени, 2,9 скока, 1,8 асистенции по натпревар.
