Во моментов на Арената Тодор Проески во Скопје во рамките од второто коло од новиот ПМФЛ шампионат, се игра големото дерби помеѓу Вардар и Шкендија.
Уште не беше започнат мечот, а веќе забележавме несакан момент. При интонирањето на химната на Република Македонија, стандардна процедура пред стартот на секој меч од ПМФЛ шампионатот, интернационалецот од Косово, и член на Шкендија Дрилон Ислами, се дрзна да си ја поправа опремата наместо да стои простум како што е тоа правилно, етички и морално.
Да, не е химната на Косово, државата од каде што доаѓа Ислами, но и таму, како и секаде на светот, при интонирање на националното обележје мора да се стои мирно.
