И тоа го има во светот на фудбалот, поточно во во фудбалска Турција. Фудбалерот на Галатасарај, Лукас Тореира, побарал од својот агент итно да му најде клубнадвор од Турција поради страв за безбедноста на неговото семејство. Причината е нов инцидент со маж кој наводно е опседнат со сопругата ба фудбалерот и кој неодамна е ослободен од затвор.
Истиот маж физички го нападнал Тореира пред неколку месеци, удирајќи го и заканувајќи се дека ќе го убие, по што завршил во затвор. Веднаш по неговото ослободување вчера, тој предизвикал нов инцидент. Овој пат цел бил возачот на Тореира, на кого наводно му се приближил, го нападнал и рекол:
„Тука сум да го завршам она што го започнав“. Поради целиот случај, играчот на Галатасарај е сериозно загрижен за своето семејство и размислува да ја напушти земјата. Се очекува ситуацијата да се расплетка во наредните денови, особено ако се процени дека безбедноста на уругвајскиот интернационалец повеќе не е загарантирана.
