Поранешната НБА ѕвезда, а сега телевизиски експерт Чарлс Баркли, излезе со своја прогноза за трите тима кои ќе бидат главни кандидати за титулата во НБА лигата во пресрет на новата сезона.
Според Баркли, шампионската битка во НБА во новата сезона ќе се води меѓу Лос Анџелес Лејкерс, Бруклин Нетс и Милвоки Бакс.
„Очигледно е дека Лејкерс ќе бидат добри. И Бруклин Нетс исто така ќе биде одличен. Но, шампионот е Милвоки Бакс. За мене, ова се трите најдобри тимови во НБА во моментов, без посебен редослед“, рече Баркли за време на интервјуто со Крис Маерс на неговиот Јутјуб канал.
