ТФТ останува во друштвото на непоразени екипи и по третата средба во Супер-лигата оваа сезона. Тимот од Тафталиџе одигра фуриозно против Куманово, на гостински терен славеше со 68-85.
Првата четвртина беше на крајот и одлучивачка. Кошаркарите на ТФТ постигнаа 35 поени, наспроти 14-те на домашниот состав. По 38-56 на полувремето, гостите им зададоа нов удар на домашните играчи, третиот период го добија со 20-8 за крај на сите надежи.
Хортон со дабл-дабл го предводеше својот тим, имаше 20 поени и 10 скока, Леонард постигна 18 поени.
Дуелот на дното на табелата меѓу Кожув и Академија ФМП им припадна на гостите, во гевеглија славеа со за прва победа оваа сезона. Домаќинот поведе со 22-14 по првите десет минути, но избраниците на Александар Петровиќ одиграа на посакуваното ниво во следните два периоди, дојдоа до предност од 52-59 пред стартот на последните десет минути. Ова водство прерасна во двоцифрено, Академија ФМП остана во ритам до самиот крај.
Новото засилување Ајви постигна 28 поени и 7 скока, Крстајиќ имаше 18. Кај Кожув, Николовски имаше дабл-дабл од 19 поени и 12 скока.
