Легендарниот француски фудбалер и довчерашен тренер на Реал (М), Зинедин Зидан смета дека фудбалерот на Реал и негов поранешен фудбалер, Карим Бензема, заслужи да ја освои „Златната топка“ оваа година.
„Карим е во одлична форма. Би му ја дал Златната топка, тој ја заслужи. Тој е неверојатен играч и имав голема чест да соработувам со него“, рече Зидан.
„Тој знае како да направи се на теренот. Тоа е над сите други. Се надевам дека ќе му биде доделена Златната топка“, дополнил Зи-Зу.
„Франс Фудбал“ ги објави имињата на 30 кандидати за престижната награда, а Л’Екип издвои пет играчи кои ќе бидат во финалниот филтер: Бензема, Жоржињо, Роналдо, Меси и Левандовски.
