Интересен момент од 83.минута на завчерашниот меч меѓу Работнички и Академија Пандев. Резултатот беше 0:3 за гостите, а Бојан Илиевски, младиот стопер на домашните направи уште еден прекршок, иако само две минути пред тоа доби жолта опомена, па така отатко сфати што направи, просто го „замоли“ судијата Фуркан Идризи да не му доделува нов жолт, односно црвен.
Сепак Идризи беше неумолив, играчот на Работнички доби црвен и мораше предвреме да го напушти теренот.
