Менаџерот на Ливерпул, Јирген Клоп секој ден од текот на репрезентативните пресметки добива по некоја лоша вест. Најновата е поврзана со повредата на бекот на шкотската репрезентација, Енди Робертсон.
Капитенот на Шкотска се повреди вчера при победата над Данска од 2:0. Тој доби истегнување на мускулот и го напушти теренот во 79. минута. Шкотите не дадоа информации за неговата состојба по натпреварот, а од Ливерпул се надеваат дека повредата нема да го оддалечи од терените долго време.
Претходно се повреди и Садио Мане за време на настапите за својата селекција во африканските квалификации за СП.
