17-годишниот напаѓач на Барселона, Ахомач Чакур, во саботата дебитираше во сениорскиот тим на Каталонците на мечот од 14. коло од Ла Лига против Еспањол (1-0). Тоа и не би било ништо чудно, ако Ахомач Чакур не стана десеттиот младинец на Барселона кој оваа сезона доби шанса да заигра за сениорскиот состав.
Тој е десеттиот играч на Барса до 21 година кој заиграл во оваа лигашка сезона. Барселона со тоа стана третиот тим во ТОП 5 лигите во Европа кој во една сезона им дал шанса на толку млади играчи. Пред Барса се само француските Рен и Сент Етјен, кои оваа сезона имале по 11 играчи помлади од 21 година во своите состави.
