Сосема спротивно од расположението кај Лидс, во таборот на Манчестер Сити презадоволни од она што се случи синоќа. Триумф од 7:0 на домашен терен, и партија која треба да служи за пример како суперирно да се освојуваат бодови во Премиер лигата.
Пеп Гвардиола одлично расположен по мечот, а како и не би. Неговиот тим го уништи противникот, а Шпанецот даде интерна информација зошто е тоа така.
„Минатата сезона загуивме пет бодови против Лидс. Тоа мора да кажам дека имаше влијание на денешната наша изведба и на конечниот резултат. Лидс е одличен тим, и ние моравме да одиграме на највисоко ниво. Тоа го сторивме од првата минута, и затоа резултатот е ваков. Стадионот беше полн, навивачите уживаа и не бодреа, а ние направивме се за да се среќни“ – изјави Гвардиола.
