Фудбалерите на Манчестер Јунајтед синоќа на свој терен го победија Барнли со 3-1 во меч од 20. коло во Премиер-лигата. „Црвените ѓаволи“ со триумф ја завршија 2021 година, но на терен се враќаат за неколку дена.
Во листата на стрелци на последната средба од оваа година се запиша и Кристијано Роналдо. За Португалецот се зборуваше дека би можел да го напушти „Олд Трафорд“, но неговиот менаџер Жорж Мендес ги демантираше сите шпекулации.
За „Скај Спорт“ изјави дека тој е фокусиран само на Јунајтед.
„Кристијано е многу среќен во Јунајтед. Добро му оди, игра одлично како и во текот на целата кариера. Ова ќе биде одлична сезона и во тоа секако сум сигурен. Заминување? Нема ништо од тоа“, порача Мендес.
