Стојанче Стоилов изби на првото место на листата на најмногу настапи на едно Европско првенство во македонскиот национален тим. По дуелот со Словенија, на стартот на континенталното натпреварување, искусниот пикер го запиша 29 меч во „црвено-жолтиот“ дрес.
Зад Стоилов се Дејан Манасков и Борко Ристовски со 28 одиграни меча, следува Кирил Лазаров со 27, Филип Миркуловски со 26, зад него е Аце Јоновски со 25 натпревари.
Македонија денеска има ден за одмор, поточно време за подготовка за следниот дуел на ЕП, а тоа е против Црна Гора (15. јануари).
